Perfect tasty Crispy Uzhunnu Vada Recipe : പുറംഭാഗം നല്ല ക്രിസ്പിയും ഉൾഭാഗം നല്ല സോഫ്റ്റും ആയ ഉഴുന്നുവട ഹോട്ടലിൽ നിന്നും നമ്മൾ കഴിക്കാറില്ലേ ? വീട്ടിൽ അതുപോലെ ഉണ്ടാക്കാൻ ഒരുവട്ടമെങ്കിലും ശ്രമിച്ചിട്ടുണ്ടോ? ഇല്ലെങ്കിൽ ഇങ്ങനെ ഒന്ന് പരീക്ഷിച്ചു നോക്കൂ.. ഇതിനായി രണ്ട് കപ്പ് ഉഴുന്നെടുത്ത് 1 മണിക്കൂറോളം വെള്ളത്തിൽ കുതിർക്കാൻ വെക്കുക.

ശേഷം മിക്സിയിൽ ബാചുകളായി അരച്ചെടുക്കാവുന്നതാണ്. അരച്ച മാവ് ഒരു പാത്രത്തിലേക്ക് മാറ്റി 3 ടേബിൾസ്പൂൺ വറുത്ത അരിപ്പൊടി ചേർത്ത് നന്നായി മിക്സ് ചെയ്ത് എടുക്കുക. ഇത് ഒരു അഞ്ചോ ആറോ മണിക്കൂറോളം പുളിക്കാനായി മാറ്റിവെക്കുക. നന്നായി പുളിച്ച ഈ മാവിലേക്ക് ഒരു ഉള്ളിയുടെ പകുതി നേരിയതായി അരിഞ്ഞതും, അര ടീസ്പൂൺ കുരുമുളക് ചതച്ചതും, ഒരു ടീസ്പൂൺ സാമ്പാർപൊടിയും,

ഒരു ചെറിയ കഷ്ണം ഇഞ്ചി നുറുക്കിയതും, 2 തണ്ട് കറിവേപ്പില നീളത്തിലരിഞ്ഞതും, 2 പച്ചമുളക്, ആവശ്യത്തിന് ഉപ്പ് എന്നിവ ചേർത്ത് നന്നായി മിക്സ് ചെയ്ത് എടുക്കുക. ഇനി ഇത് ആവശ്യാനുസരണം പൊരിച്ചെടുക്കാം. അതിനുവേണ്ടി അടി കട്ടിയുള്ള ഒരു പാൻ അടുപ്പിൽ വെക്കുക. അതിലേക്ക് നന്നായി മുങ്ങി പൊരിയാൻ ആവശ്യമായ എണ്ണയൊഴിക്കുക. ശേഷം വേറൊരു പാത്രത്തിൽ കുറച്ചു വെള്ളമെടുത്ത്

കൈ നനച്ച് ഒരുരുള മാവ് കയ്യിൽ എടുത്ത് ഉഴുന്നുവടയുടെ ഷേപ്പ് ആക്കിയെടുക്കുക. ഇത് ചൂടായ എണ്ണയിലേക്കിട്ട് തീ മീഡിയം ആക്കി തിരിച്ചും മറിച്ചുമിട്ട് പൊരിച്ചെടുക്കുക. പുറം ഭാഗം നല്ല ക്രിസ്പിയും ഉൾ ഭാഗം നല്ല സോഫ്റ്റും ആയിട്ടുള്ള പെർഫെക്ട് ഉഴുന്നുവട ഇപ്പോൾ റെഡി!! video credit :Deena Afsal (cooking with me)